بيقول لك هانتخب عمرو موسى علشان خبرته ف الشئون الدولية .... لا يا راجل؟؟؟ .. خبرته ف الشجب والاستنكار والإدانة؟ ... خبرته في القول بلا فعل اللي ميز فترة التسعينات والألفينات؟ .. في التسعينات:
1-حصار العراق وقتل أكتر من نص مليون طفل عراقي بسبب الحصار
2-الضربات "الروتينية" للعراق باليورانيوم المستنفذ
3-حرب البوسنة والهرسك والمذابح زي سربرنيتشا
4-الحرب الأهلية في السودان اللي ترتب عليها تقسيمه
5-قطع علاقاتنا مع أثيوبيا بسبب محاولة اغتيال حسني
6-حرب جنوب لبنان ومن ضمنها مذبحة قانا
7-دور مصر البذيء في مباحثات السلام الفلسطينية الإسرائيلية من بعد أوسلو ومدريد
8-الانتفاضة التانية اللي كانت نتيجة لمتاهة السلام على مدى سنين... (وضرب أحمد ماهر بالجزمة في المسجد الأقصى كان نتاج سياسة مصر الخارجية في عهد موسى)
و في الألفينات لما دخل الجامعة العربية كان جزء من الفشل:
1-إجهاض الانتفاضة التانية وعدم ترتب أي نتيجة سياسية عليها
2-حرب العراق وما نتج عنها
3-حرب لبنان 2006
4-محرقة غزة في 2008 وحصار القطاع قبلها وبعدها وعدم محاولته كسر الحصار ولو بشكل رمزي أو حتى توجيه أي لوم أو عتاب للإدارة المصرية لمشاركتها إسرائيل في خنق القطاع
5-تقسيم السودان
6-الصــــــــــــــــومــــــــال
7-يبلغ الفشل مداه بعقد قمتين عربيتين في نفس الوقت (في الدوحة والكويت)
8-وتبلغ المهانة أقصاها إنه يعلن مناقشة حرب غزة على "هامش" القمة الاقتصادية في الكويت
لو شايف لعمرو موسى أي موقف من كل اللي فات غير الإدانة والشجب والاستنكار قول!! الراجل ده فضل جزء من المنظومات الفاشلة الراكعة لأمريكا وإسرائيل والحامية لمصالحهما، لو ضميره يسمح له بكدة يبقى ضميري ما يسمحليش أختاره رئيس .. ولو ضميره كان يا حرام معذبه يبقى هو كان أضعف أو أفسد من إنه يخرج من المستنقعات دي. ويا فرحتي بيه وهو كان مش أكتر من ظاهرة صوتية بلا تأثير أو فعل
No comments:
Post a Comment