ارجعى لينا يامصر ارجعى حرام تفضلى اسيرة وبعيدة عنا ارجعى
ارجعى لينا ارجعى احضنينا ارجعى ضمينا ارجعى احتوينا ولمينا
ارجعى لينا امنا الكبيرة ارجعى لينا حصننا وبلدنا العظيمة
ارجعى لينا شرفينا وعلى راسنا ورايتنا ارجعى لينا دا الكل بيتامر علينا
ارجعى لينا وكفينا ارجعى لينا فى حضنك دفينا ارجعى ومن الغربة ارحمينا
ارجعى لينا حرام تفضلى بعيدة علينا ارجعى وبنيلك تروينا
ارجعى لينا من الظلم والفساد انقذينا ارجعى دى السجون امتلات بينا
ارجعى لينا ارجعى للبيحبوكى ارجعى كفاية كل ده فى ايد الا سرقوكى
ارجعى لينا حرام كل ده تسيبينا ارجعى دا الظلمة ناهبين كل شئ فيكى
ارجعى لينا وحررينا ارجعى ده الظلم اثر فينا خلى كل شئ ميت فينا
ارجعى لينا دا صوتنا راح والحق ضاع والحرام مباح وماعدش حاجة فيكى لينا
ارجعى لينا قبل مانموت كلنا وماتلحقيش تدفنينا ولاتلاقى مكان فيكى يحتوينا
No comments:
Post a Comment